Cé qu’è lainô, le Maitre dé bataille,
Que se moqué et se ri dé canaille,
À bin fai vi, pè on desande nai
Qu’il étivé patron dé Genevouai.

I son vegnu vegnu le doze de dessanbro,
Pè pè onna nai nai asse naire que d'ancro;
Y étivé l' mil si san et dou,
Qu' i veniron par là ou pou trè tou.

Petis et grans, ossis an sevegnance,
Pè on matin d’ onna bella demanze,
Et pè on zeur qu’ y fassive bin frai,
Sans le bon Di, nos étivon to prai!

Dedian sa man il y tin la victoire,
À lui solet en démure la gloire.
À to zamai son Sain Non sai begni!
Amen, amen, ainsi, ainsi soit-y!