Cé qu'è lainô, le Maitre dé bataille,
Que se moqué et se ri dé canaille,
À bin fai vi, pè on desande nai 
Qu'il étivé patron dé Genevouai.

I son vegnu le doze de dessanbro,
Pè onna nai asse naire que d'ancro;
Y étivé l’ an mil si san et dou,
Qu’ i veniron par là ou pou trè tou.

Petis et grans, ossis an sevegnance,
Pè on matin d’ onna bella demanze,
Et pè on zeur qu’ y fassive bin frai,
¡Sans le bon Di, nos étivon to prai!

Dedian sa man il y tin la victoire, 
À lui solet en démure la gloire.
¡À to zamai son Sain Non sai begni!
¡Amén, amén, ainsi, ainsi soit-y!